Опис на резбата во Кабинетот на Претседателот на Република Македонија
Кабинетот на Претседателот на Република Македонија носи датум и печат од 30-те години на минатиот век. Изграден бил како Кабинет за тогашниот бан, чие седиште била сегашната зграда на Собранието на Република Македонија, а по ослободувањето во него имаат работено сите досегашни претседатели на Република Македонија. Објектот - Собрание на Република Македонија бил проектиран од страна на архитектот Виктор Худак (чех).
Во Кабинетот на Претседателот на Република Македонија сè е исто како кога бил уреден и осмислен пред 70-тина години. Целиот ентериер: поголемите парчиња резба со кои се украсени ѕидовите и таванот, мебелот, работната маса на претседателот, комодите, па дури и паркетот со мозачини шари датираат од 1938 година, кога е завршено обликувањето на овој простор.
Паркетот во Кабинетот е реден така што да се добие мозаичен изглед на подот, а дрвото што е употребено е донесено од Африка.
Дизајнот на резбата е работен по примерите Фиорентинската школа за резбарство. Го направил Драгутин Инкастриот - Медењак, роден во Сплит, во 1866 година, а починат во Белград во 1942 година. Резбата ја работел Коста Глишиќ, тетовец, а во дел од работата учествувале и Нестор Аљексиев и неговиот син Тодор. Инаку целата резба е изработена од ореово дрво.
|
