Врз основа на член 84 алинеа 6, член 86 став 1 и 2 и Амандман XIII од Уставот на Република Македонија, донесена е одлука за именување претседател и членови на Советот за безбедност на Република Македонија.

Советот за безбедност на Републиката го сочинуваат: претседателот на Републиката, претседателот на Собранието, претседателот на Владата, министрите кои раководат со органите на државната управа во областите на безбедноста, одбраната и надворешните работи и тројца членови кои ги именува претседателот на Републиката.

Советот ги разгледува прашањата поврзани со безбедноста и одбраната на Републиката и дава предлози на Собранието и Владата на Република Македонија.

Претседател на Советот за безбедност на Република Македонија е д-р Ѓорге Иванов, Претседател на Република Македонија.

За членови на Советот за безбедност на Република Македонија именувани се:

1. Трајко Вељановски, претседател на Собранието на Република Македонија

2. м-р Никола Груевски, претседател на Владата на Република Македонија
3. Фатмир Бесими, министер за одбрана
4. м-р Гордана Јанкуловска, министер за внатрешни работи
5. м-р Никола Попоски, министер за надворешни работи
6. Абдилаќим Адеми, министер за животна средина и просторно планирање
7. м-р Вели Креци, Професор, Универзитет на Југоисточна Европа
8. д-р Панде Лазаревски, Национален координатор за намалување на ризици од катастрофи