Претседател на Република Македонија

Медал за заслуги за Македонија

Има основна кружна форма со димензии од 40мм.

Три милиметри надвор од левата страна на габаритот излегува венецот од дабови гранки. На левата страна има стилизиран венец од житен клас. Во централниот дел се издигнува апликација на географските контурите на земјава, а под него е испишано Република Македонија.

Медалот е изработен од сребро или патинирана бронза во техниката ковање.

Медалот се носи на соодветна триаголна лента и има минијатурна лента.

Секој орден и медал има соодветна кутија, во одредена боја, која димензионално одговара на димензиите на одличјата. На поклопецот на кутијата со златовтиснување е името на одличјето.

Лентите за ордените се изработени од маорирана свила во пропишаната боја и димензија.

Медал за заслуги за Македонија - се доделува на:

на физички и правни лица за постигнати резултати кои придонесуваат за значаен развој и афирмација на Република Македонија во сите области на животот и работата, како и за развивање на пријателски односи меѓу Република Македонија и други држави, меѓународни органи, организации или асоцијации.